पारोळा : प्रतिनिधी , सिडबॉल्स कॅम्पेनच्या अनोख्या उपक्रमांतर्गत “अंकुर हॉस्पिटलकडून” अंकुरताय शेकडो फळफुल झाडे. पारोळा येथील अंकुर – लहान मुलांचे हॉस्पिटल हे आपल्या बालरुग्णसेवेसाठी परिसरात प्रसिद्ध आहे. सध्या हॉस्पिटल चर्चेत आहे ते अनोख्या पर्यावरण उपक्रमासाठी. अंकुर हॉस्पिटलचे डॉ कुणाल पाटील यांनी आपल्याकडे उपचारासाठी येणाऱ्या लहान मुलांमध्ये पर्यावरण बाबत जागृती व्हावी या उद्देशाने प्रत्येकाला एक देशी वृक्षाचा किंवा फुलझाडांचा सिडबॉल भेट म्हणून दिला जातो. आणि त्या सीडबॉल्स रोपणाची माहिती त्या मुलाला आणि पालकांना समजावून सांगितली जाते. दिलेले सीडबॉल्स लहान मुलं उत्सुकतेने त्याच जतन तसेच रोपंन करतात कारण दिलेले सिडबाल्स ला ज्या दिवशी पहिला अंकुर येतो त्या दिवसापासून त्याच्या पुढील तपासणी फी मध्ये पालकांना विशेष सूट व बालकाला छानस गिफ्ट दिले जाते. वृक्ष वाढी साठी विशेष प्रयत्न केलेल्या बालक आणि पाल्याना अंकुर हॉस्पिटल कडून सन्मानित देखील करण्यात येईल. यामुळे पालकांना आणि लहान मुलांनादेखील या उपक्रमाचे विशेष आकर्षण आणि उत्सुकता निर्माण झालीये. डॉ कुणाल पाटील , पर्यावरणप्रेमी असून शहरातील सीडबॉल्स कॅम्पेन पारोळा चे सक्रिय सदस्य आहे. आपल्या हॉस्पिटलच्या “अंकुर” नावावरून त्यांना हि कल्पना सुचली आणि आजपावेतो शार व ग्रामीण भागात ५०० च्या वर देशी वृक्ष आणि फुल झाडांचे सीडबॉल्स चे वाटप केले असून रुग्णसेवा करताना पर्यावरण सेवा करण्याचा आनंद वेगळा आहे.उपक्रम एक फायदे अनेक:या उपक्रमात भाग घेताना त्या बालकांना त्यांच्या आजारपणाचा देखील विसर पडतो आणि त्यांचा चेहऱ्यावरचा आनंद त्यांना लवकर बरं करण्यास देखील मदत करतो. त्याचबरोबर “सिडबॉल्स तेव्हाच उगवतील जेव्हा औषधी वेळेवर घ्याल” असे सांगितल्यास औषधी घेण्यास टाळाटाळ करणारे लहान मुलं आता तेही आनंदाने घेतात असा अनेक सुखद अनुभव डॉ कुणाल पाटील यांनी सांगितले. या अनेक सीडबॉल्स ची निर्मिती पत्नी डॉ देवयानी पाटील स्वतः करीत असून येणाऱ्या काळात बालरुग्नांना वाटप केलेले सिडबॉल्स लवकर अंकुरावेत आणि वृक्षसोबतच या बालवयात पर्यावरण रक्षणाचे बीज रोवली जावीत अशी आशा डॉ पाटील दाम्पत्यांनी व्यक्त केली.अंकुर हॉस्पिटलच्या या स्तुत्य उपक्रमाचा अनेक पर्यावरण प्रेमी कडून कौतुक करण्यात येत असून डॉ कुणाल पाटील यांचे देखील अभिनंदन करण्यात येत आहे.
