टायगर इंटरनॅशनल स्कूल येथे “भारतीय संस्कृतीचे जिवंत दर्शन : तुळशी पूजन”

पारोळा – प्रतिनिधी, टायगर इंटरनॅशनल स्कूल येथे तुळस पूजन दिवस अत्यंत श्रद्धा, उत्साह व आनंदी वातावरणात साजरा करण्यात आला. भारतीय संस्कृतीत पूजनीय असलेल्या तुळशीचे धार्मिक, सांस्कृतिक, औषधी व वैज्ञानिक महत्त्व विद्यार्थ्यांपर्यंत पोहोचवण्याच्या उद्देशाने या उपक्रमाचे आयोजन करण्यात आले.या कार्यक्रमाचे विशेष आकर्षण म्हणजे शाळेचे शिक्षक महेंद्र पाटील यांनी वासुदेवाची भूमिका साकारत, पारंपरिक वेशात उत्साहात नाचून-गाऊन विद्यार्थ्यांना तुळशीचे महत्त्व अत्यंत रंजक पद्धतीने सांगितले. त्यांच्या सादरीकरणातून पूर्वीच्या काळातील सकाळ कशी असायची, घराघरात तुळशीची पूजा, भजन-कीर्तन व संस्कार यांचे सुंदर दर्शन नृत्याच्या माध्यमातून घडवण्यात आले.तसेच शाळेचे प्राचार्य पी. एस. पाटील यांनी विद्यार्थ्यांना तुळशीचे वैज्ञानिक (scientific) महत्त्व समजावून सांगत तिचे आरोग्यदायी व पर्यावरणीय फायदे स्पष्ट केले.“प्रत्येक घराघरात एक तुळस” हा संदेश देत त्यांनी पर्यावरण संवर्धनाचे महत्त्व अधोरेखित केले.यावेळी कार्यक्रमास उपस्थित अध्यक्ष रविंद्र पाटील, संचालिका रूपाली पाटील, प्राचार्य पी. एस. पाटील, अजीम शेख, उपप्राचार्या कविता सूर्यवंशी, विभाग प्रमुख नम्रता बेडीस्कर, वृषाली पाटील, काजल सिंधी, क्लार्क श्रीकांत खैरनार तसेच सर्व शिक्षकवृंद यांनी कार्यक्रम यशस्वी करण्यासाठी महत्त्वपूर्ण भूमिका बजावली.संपूर्ण कार्यक्रम शैक्षणिक, संस्कारक्षम व प्रेरणादायी ठरला आणि विद्यार्थ्यांमध्ये निसर्गप्रेम, आरोग्यजाणीव तसेच भारतीय संस्कृतीबद्दल अभिमान निर्माण झाला.