पारोळा :- प्रतिनिधी, लाडशाखीय वाणी समाज मंडळ व संस्कृती महिला मंडळातर्फे महिला बचत गट व गृह उद्योगाला प्रोत्साहन मिळावे यासाठी एक दिवसीय खना खजाना या आनंद मेळाव्याचे आयोजन वाणी मंगल कार्यलय येथे मोठ्या उत्साहात संपन्न. या मेळाव्याचे उद्घाटन वाणी समाज मंडळाचे उपाध्यक्ष हेमकांत मुसळे व सौ. सीमा मुसळे यांच्या हस्ते करण्यात आलेयांनी या मेळाव्यात महिलांनी अतिशय उत्साहाने भाग घेऊन खाद्यपदार्थ , कला कौशल्य व हस्तकौशल्याच्या वस्तू, सुती विण कामाने केलेल्या ,मोत्यांच्या स्वतः तयार केलेल्या वस्तु, पुजेचे साहित्य, संक्रांतीसाठी वाणाच्या वस्तु तसेच गृहोपयोगी वस्तू, घर सजावटीचे साहित्य असे अनेक प्रकारचे स्टॉल महिलांनी लावले होते . मेळाव्यात आलेल्या बंधु भगिनींनी खरेदीचा व खाण्याचा मनसोक्त आनंद घेतला.या मेळाव्या विषयी बोलतांना महिलांनी सांगितले की, आम्हाला यातून व्यवसायाची दिशा मिळाली. घरगुती छोट्या व्यवसायातुन सुद्धा आपण आपल्या कुटुंबाला आर्थिक हातभार लावू शकतो याची जाणीव आम्हाला झालीं .
मिळाव्याचे आयोजन महिला मंडळाच्या अध्यक्षा प्रा. वर्षा प्रकाश पुरकर , रुणल कोतकर ,दिपिका शेंडे, वर्षा कोठावदे , मंडळातील सर्व सभासद भगिनींनी केले. वाणी समाज संचालक मंडळाचे अध्यक्ष विजय नावरकर, उपाध्यक्ष हेमकांत मुसळे, सचिव महेन्द्र कोतकर, शरद मेखे सर, राजेंद्र पाखले, रविंद्र शेंडे व मंडळाचे सर्व सभासद यांनी मेळाव्यासाठी सहकार्य केले.