पारोळा – प्रतिनिधी
पारोळा तालुक्यातील तामसवाडी येथील द्रोणव सुरेंद्र सोनार ची एनसीएल(नॅशनल क्रिकेट लीग)अंडर 19 साठी निवड झाल्याने त्याचे सर्वत्र कौतुक होत आहे.तामसवाडी येथील होतकरू क्रिकेटपट्टू द्रोणाव याने आपल्या मेहनतीच्या व जिद्दीच्या जोरावर हे यश संपादन केले.गोवा येथे नुकत्याच पार पडलेल्या राष्ट्रीय क्रिकेट स्पर्धेच्या निवड शिबिरात देशभरातील अनेक गुणवंत खेळाडूंनी सहभाग घेतला होता.
या कॅम्पमध्ये द्रोणाव सोनार याने दमदार फलंदाची,अचूक गोलंदाजी व उत्कृष्ट क्षेत्ररक्षणच्या जोरावर निवड समितीचे लक्ष वेधून घेतले.त्याची शिस्तबद्ध खेळी, आत्मविश्वास, संघभावना या जोरावर त्याची निवड झाली.या निवडीमुळे फेब्रुवारी महिन्यात दिल्ली येथे होणाऱ्या एनसीएल ट्रॉफी स्पर्धेत द्रोणाव सोनार महाराष्ट्राचे प्रतिनिधित्व करणार आहे. ग्रामीण भागातून पुढे येत राष्ट्रीय स्तरावर खेळण्याची संधी मिळणे हे केवळ द्रोणव सोनार साठीच नव्हे तर संपूर्ण तालुका व तामसवाडी गावासाठी अभिमानास्पद बाब आहे. द्रोणव सोनार हा तामसवाडी येथील रहिवासी माजी निवृत्त सैनिक सुरेंद्र गणेश सोनार यांचा मुलगा तर मीराताई सोनार यांचा नातू आहे. त्याच्या यशाबद्दल त्याचे माजी पालकमंत्री डॉ. सतीशराव पाटील, माजी नगराध्यक्ष करण पवार, माजी सरपंच हिरामण पवार, माजी जि प सदस्य रोहन पवार, माजी विकासो चेअरमन प्रमोद पवार यांसह ग्रामस्थांनी अभिनंदन करून पुढील वाटचालीस शुभेच्छा दिल्या.