डॉ. बाबासाहेब आंबेडकर यांचे पनतू डॉ. राजरत्न आंबेडकर यांची‘वर्ल्ड फेलोशिप ऑफ बुद्धिस्ट’ या आंतरराष्ट्रीय संघटनेच्या उपाध्यक्षपदी नियुक्ती

प्रतिनिधी :भारतरत्न डॉ. बाबासाहेब आंबेडकर यांचे पनतू तथा प्रख्यात बौद्ध विचारवंत डॉ. राजरत्न आंबेडकर यांची ‘वर्ल्ड फेलोशिप ऑफ बुद्धिस्ट’ (World Fellowship of Buddhists) या आंतरराष्ट्रीय बौद्ध संघटनेच्या उपाध्यक्षपदी नियुक्ती करण्यात आली आहे. ही संघटना जगातील तब्बल १३८ बौद्ध राष्ट्रांचे प्रतिनिधित्व करणारी एक अत्यंत महत्त्वाची व प्रतिष्ठित आंतरराष्ट्रीय संघटना आहे.डॉ. राजरत्न आंबेडकर हे डॉ. बाबासाहेब आंबेडकर यांनी स्थापन केलेल्या भारतीय बौद्ध महासभेचे विश्वस्त तसेच राष्ट्रीय अध्यक्ष म्हणून सध्या कार्यरत आहेत. बौद्ध धम्माचा प्रचार-प्रसार, सामाजिक समता, बंधुता व मानवतावादी मूल्यांची जोपासना यासाठी त्यांनी देश-विदेशात केलेले कार्य उल्लेखनीय आहे. त्यांच्या या कार्याची दखल घेत त्यांची आंतरराष्ट्रीय पातळीवरील या महत्त्वाच्या पदावर नियुक्ती करण्यात आल्याने देशातील बौद्ध समाजात आनंदाचे वातावरण आहे.या नियुक्तीप्रसंगी मिलिंद पवार, संजय पवार, जीवन पवार, अनुप फंड, भिकन आहिरे तसेच वनकोठे गावातील ग्रामस्थ मोठ्या संख्येने उपस्थित होते. उपस्थित मान्यवरांनी डॉ. राजरत्न आंबेडकर यांचे अभिनंदन करत त्यांच्या पुढील कार्यासाठी शुभेच्छा व्यक्त केल्या.डॉ. राजरत्न आंबेडकर यांच्या या नियुक्तीमुळे जागतिक स्तरावर भारतीय बौद्ध विचारधारेचा प्रभाव अधिक बळकट होईल, अशी भावना यावेळी व्यक्त करण्यात आली.