आमदार अमोल पाटील यांच्या मागणी नंतर जिल्हा पोलीस अधीक्षकांचा मोठा निर्णय

भाटपुरी बनावट जन्म नोंदी प्रकरणी SIT स्थापन..

पारोळा | प्रतिनिधी , पारोळा तालुक्यातील भाटपुरी येथे बेकायदेशीररीत्या शासनाच्या Civil Registration System (CRS) पोर्टलचा गैरवापर करून हजारो बनावट जन्म नोंदी करण्यात आल्याच्या गंभीर प्रकरणात विशेष तपास पथक (SIT) स्थापन करण्यात आले आहे. आमदार अमोलदादा पाटील यांनी जिल्हा पोलीस अधीक्षकांकडे केलेल्या मागणीनंतर हा महत्त्वपूर्ण निर्णय घेण्यात आला आहे.

काय आहे प्रकरणभाटपुरी…

गावात मानवी वसाहत नसतानाही ग्रामपंचायतीचा MH02609RE हा आयडी वापरून सन २०१० ते २०२५ या कालावधीत तब्बल ४,९०७ बनावट जन्म नोंदी ऑनलाईन नोंदविण्यात आल्या. या नोंदी ८७९७३६५३९७ या मोबाईल क्रमांकावरून केल्याचे तपासात निष्पन्न झाले आहे.या प्रकरणात आदर्शकुमार उर्फ विक्की अशोक दुबे (रा. पंडितपूर, जनता बाजार, पोलीस ठाणे – जिल्हा सारण, राज्य – बिहार) याने शासनाच्या CRS पोर्टल मध्ये बेकायदेशीर हस्तक्षेप करून बनावट जन्म नोंदी केल्याचा गंभीर आरोप आहे. ही बाब देशाच्या सुरक्षिततेच्या दृष्टीने अत्यंत घातक असल्याचेही नमूद करण्यात आले आहे.

गुन्हा दाखल, आरोपी पोलीस कोठडीत

गटविकास अधिकारी, पंचायत समिती पारोळा श्री. संजय मोरे यांच्या फिर्यादीवरून पारोळा पोलीस ठाण्यात गु.र.नं. १२/२०२६ अंतर्गत भारतीय न्याय संहिता २०२३ चे कलम ३१८(४), ३३७, ३३६(३), ३०४(२) तसेच माहिती तंत्रज्ञान अधिनियम २००० चे कलम ६५ व ६६ अन्वये गुन्हा दाखल करण्यात आला असून आरोपी सध्या पोलीस कोठडीत आहे.

यवतमाळ मध्ये ही असेच प्रकार

या आरोपी विरोधात यवतमाळ शहर हद्दीतील पोलीस ठाण्यातही FIR क्र. १०४३ (दि. १६/१२/२०२५) नोंदविण्यात आला आहे. यवतमाळ जिल्ह्यातील शेंदुर्सनी (ता. आर्णी) या सुमारे १५०० लोकसंख्या असलेल्या गावात CRS पोर्टल मध्ये छेडछाड करून २७,३९७ जन्म नोंदी व ७ मृत्यू नोंदी झाल्याचे उघड झाले आहे.

SIT ची रचना

जिल्हा पोलीस अधीक्षक मा. डॉ. महेश्वर रेड्डी यांनीजा.क्र. ९१/वाचक/पारोळा गु.र.नं.१२-२०२६/वि.पो.त.प./२०२६–१२१दि. १६/०१/२०२६ रोजीच्या आदेशान्वये SIT स्थापन केली आहे.

विशेष तपास पथक (SIT)

तपास अधिकारी: श्री. विनायक कोते(उपविभागीय पोलीस अधिकारी, अमळनेर)सहाय्यक तपास अधिकारी:श्री. अशोक पवार (पोलीस निरीक्षक, पारोळा)सदस्य:श्री. सतीष गोराडे (पोलीस निरीक्षक, सायबर पोलीस स्टेशन)श्री. मुस्तफा मिर्झा (पोलीस उपनिरीक्षक, सायबर पोलीस स्टेशन)पो.कॉ. शरद पाटील (पारोळा पोलीस स्टेशन)पो.कॉ. दिलीप चिंचोले (पारोळा पोलीस स्टेशन )

आमदार अमोल पाटील यांची मागणी

या प्रकरणाची सखोल, निष्पक्ष व जलद चौकशी करून दोषींवर कठोरात कठोर कारवाई करावी, तसेच पारोळा व यवतमाळ व्यतिरिक्त इतर ठिकाणीही अशा घटना घडल्या आहेत का, याची चौकशी करण्याची मागणी आमदार अमोल पाटील यांनी केली होती.