पारोळा – प्रतिनिधी | लाडशाखीय वाणी समाज संस्कृती महिला मंडळाच्या वतीने पारोळा येथे पारंपरिक हळदी-कुंकू समारंभ मोठ्या उत्साहात संपन्न झाला. महिलांच्या सहभागाने हा कार्यक्रम भक्ती, संस्कृती आणि स्नेहभावनेचे सुंदर दर्शन घडवणारा ठरला.कार्यक्रमाची सुरुवात सुनंदा शेंडे व हेमलता चांदवडे यांच्या गणेश वंदना गीताने करण्यात आली. त्यानंतर सरस्वती पूजन व दीपप्रज्वलन करण्यात आले. प्रमुख पाहुणे व उपस्थित महिलांचे स्वागत गीताने स्वागत करत कार्यक्रमाला सुरुवात झाली.यानंतर दिपिका शेंडे व माधुरी अमृतकार यांनी रामरक्षा पठण केले. अर्चना मैंद व योगिता येवले यांनी श्रीरामाचे भक्तीपूर्ण भजन सादर केले. सर्व महिलांनी एकत्र येत रामनामाचा जप करून भक्तीमय वातावरण निर्माण केले.या प्रसंगी वाणी समाजाचे नगरपालिकेचे नवनिर्वाचित नगरसेवक यांचा सत्कार समारंभ आयोजित करण्यात आला.निर्मलाताई अशोक वाणी यांचा सत्कार मंडळाच्या अध्यक्षा वर्षा पूरकर यांनी केला.वंदनाताई गोविंद शिरोळे यांचा सत्कार उपाध्यक्षा सौ. रुणल कोतकर यांनी केला.अमोल गोविंद शिरोळे यांचा सत्कार सचिव वर्षा कोठावदे यांनी, तर भूषण प्रकाश टिपरे यांचा सत्कार खजिनदार दिपिका शेंडे यांनी केला.तसेच कार्यक्रमाला उपस्थित वाणी समाज मंडळाचे अध्यक्ष विजय नावरकर, उपाध्यक्ष हेमकांत मुसळे, संचालक शरद मेखे, दिपक पिंगळे व देविदास तिसे यांचाही सत्कार करण्यात आला.सत्काराला उत्तर देताना सर्व मान्यवरांनी मतदार व समाजाने दिलेल्या सहकार्याबद्दल आभार मानले. शहराच्या सर्वांगीण विकासासाठी व जनतेच्या कल्याणासाठी जबाबदारीने व कार्यक्षमतेने काम करण्याची ग्वाही त्यांनी दिली.यानंतर उषा शेंडे यांनी संक्रांतीवर आधारित पारंपरिक ओव्या सादर केल्या. उखाणे व प्रश्नमंजुषा कार्यक्रमात रुपाली शिरोळे व उषा शेंडे यांनी महिलांना सहभागी करून कार्यक्रमात रंगत आणली. साधना कोठावदे यांनी भोगी व संक्रांत सणाचे महत्व सांगितले.हळदी-कुंकवाच्या वाण वाटपाचे काम सुनिता भामरे, विद्या येवले, शीतल टिपरे, वृषाली मालपुरे व ज्योती शिनकर यांनी केले. हा कार्यक्रम महिलांच्या सबलीकरणास पूरक ठरला. कार्यक्रमाला सुमारे ३५० महिलांची उपस्थिती होती.अशा उपक्रमांमुळे महिलांमध्ये स्नेहभाव वाढीस लागतो तसेच सांस्कृतिक व सामाजिक ज्ञानात भर पडते. कार्यक्रमानंतर महिलांसाठी स्नेहभोजनाचे आयोजन करण्यात आले होते.
