विद्यार्थी दशेत प्रत्येकाने आपले ध्येय निश्चित केले पाहिजे– गटशिक्षणाधिकारी विश्वास पाटील

पारोळा | प्रतिनिधी , आजच्या स्पर्धेच्या युगात विद्यार्थ्यांसमोर प्रचंड आव्हाने असून या स्पर्धेत टिकण्यासाठी सर्वांनी अद्यावत राहणे आवश्यक आहे. अपयश ही यशाची पहिली पायरी असून जीवनात यशस्वी होण्यासाठी जिद्द, चिकाटी व कठोर मेहनत आवश्यक आहे. विद्यार्थी दशेतच प्रत्येकाने आपले ध्येय निश्चित करून त्यासाठी प्रामाणिक प्रयत्न केले पाहिजेत, असे प्रतिपादन पारोळा गटशिक्षणाधिकारी श्री. विश्वास पाटील यांनी केले.ते श्री व्यंकटेश माध्यमिक विद्यालय, पारोळा येथे आयोजित वार्षिक बक्षीस वितरण समारंभात अध्यक्षस्थानावरून बोलत होते.यावेळी प्रमुख पाहुणे म्हणून संस्थेचे अध्यक्ष रावसाहेब भोसले, सचिव हेमंतकुमार पाटील, शिवाजी हायस्कूलचे मुख्याध्यापक जी. बी. पाटील, पर्यवेक्षक आर. एस. पाटील, पी. एन. पाटील, जी. एच. भोई, कौस्तुभ सोनवणे, संदीप बोरसे तसेच मुख्याध्यापक उद्धव पाटील यांची उपस्थिती होती.कार्यक्रमात मान्यवरांच्या हस्ते इयत्ता ५ वी ते ९ वी मधून गुणवत्ता प्राप्त करून प्रथम, द्वितीय व तृतीय क्रमांक मिळविणाऱ्या विद्यार्थ्यांसह विविध स्पर्धांमध्ये यश मिळविणाऱ्या विद्यार्थ्यांचा स्मृतिचिन्ह, प्रमाणपत्र व पदक देऊन गौरव करण्यात आला.

📚 गुणवत्ता क्रमांक पुढील प्रमाणे –

इयत्ता ५ वी:

प्रथम – सुशांत भैय्या पवार

द्वितीय – समर्थ वाल्मीक पाटील, मानसी मच्छिंद्र पाटील

तृतीय – धनश्री मदन माळी

इयत्ता ६ वी:

प्रथम – आरुषी संजय बंजारा

द्वितीय – नेहा दीपक पाटील

तृतीय – योगेश पाटील

इयत्ता ७ वी:

प्रथम – हंसिका महाले

द्वितीय – यशराज राठोड

तृतीय – निशा पाटील

इयत्ता ८ वी:

प्रथम – विद्या सोनवणे

द्वितीय – मानवी पाटील

तृतीय – देवराज राठोड

इयत्ता ९ वी:

प्रथम – साक्षी पाटील

द्वितीय – जान्हवी राठोड

तृतीय – रोहित पाटील

🏅 क्रीडा व इतर स्पर्धा यश –

कुस्ती स्पर्धेत प्रथमेश पगारे याने तालुक्यात प्रथम क्रमांक मिळविला, तर संजना मोरे हिची जिल्हास्तरासाठी निवड झाली. लांब उडीत मोहित नाना भील याने तालुक्यात प्रथम क्रमांक मिळविला. २०० व ४०० मीटर धावणे स्पर्धेत खुशी भील व विशाल बिऱ्हाडे यांनी यश संपादन केले. तसेच विविध वकृत्व स्पर्धांमध्ये मनीष भील, योगेश पाटील, नुमेर पिंजारी, निकीता पाटील, अश्विनी पाटील, हर्षाली पवार, लोकेश माळी, अभिराज कोळी, मानसी पाटील, मानवी पाटील व साक्षी पाटील यांनी बक्षिसे मिळविली.यावेळी गटशिक्षणाधिकारी विश्वास पाटील यांनी विद्यार्थ्यांसह शाळेतील शिक्षकांचे कौतुक करत कमी कालावधीत शाळेने केलेल्या उल्लेखनीय कामगिरीचे विशेष अभिनंदन केले. पालकांनी अशा कार्यक्रमांना उपस्थित राहून आपल्या पाल्यांच्या प्रगतीचे कौतुक करावे, असे आवाहन त्यांनी केले.सचिव हेमंतकुमार भिमराव पाटील यांनी उपक्रमाचे कौतुक करून विद्यार्थ्यांना शुभेच्छा दिल्या, तर पी. एन. पाटील यांनी वीर एकलव्य यांचे उदाहरण देत विद्यार्थ्यांना प्रेरणा दिली. अध्यक्ष रावसाहेब भोसले यांनी शाळेसाठी सर्वतोपरी सहकार्य करण्याची ग्वाही दिली.कार्यक्रमाचे सूत्रसंचालन राहुल सूर्यवंशी यांनी केले तर आभार प्रदर्शन मुख्याध्यापक उद्धव पाटील यांनी केले. कार्यक्रम यशस्वी होण्यासाठी सर्व शिक्षक व शिक्षकेतर कर्मचाऱ्यांनी परिश्रम घेतले.छाया: पारोळा येथे श्री व्यंकटेश माध्यमिक विद्यालयात विद्यार्थ्यांना बक्षिसे देऊन गुणगौरव करताना उपस्थित मान्यवर.