पारोळा | प्रतिनिधी : टायगर इंटरनॅशनल स्कूल येथे ७७ वा प्रजासत्ताक दिन अत्यंत उत्साहात व देशभक्तीच्या वातावरणात साजरा करण्यात आला. कार्यक्रमाच्या अध्यक्षस्थानी शाळेचे अध्यक्ष रविंद्र पाटील हे होते.यावेळी प्रमुख अतिथी म्हणून शाळेच्या संचालिका रूपाली पाटील, डॉ. शांताराम पाटील (मराठा सेवा संघ तालुकाध्यक्ष), सतीश माने (मराठा सेवा संघ तालुका उपाध्यक्ष) यांच्यासह डॉ. आसिफ कुरेशी, डॉ. भूषण चव्हाण, डॉ. कपिल निकम, डॉ. अहमद शाह, डॉ. जेसी ढंगवळ, डॉ. प्रशांत पाटील, डॉ. कुणाल पाटील, डॉ. सनिकुमार गुजराथी व डॉ. प्रविण पाटील हे मान्यवर उपस्थित होते.कार्यक्रमात विद्यार्थ्यांनी विविध भाषांमधून भाषणे सादर करून “विविधतेत एकता” हा संदेश प्रभावीपणे मांडला. देशभक्तीपर गीत, परेड, कवायत तसेच नृत्य सादरीकरणातून विद्यार्थ्यांनी उपस्थितांची मने जिंकली.शाळेचे प्राचार्य पी. एस. पाटील यांनी कार्यक्रमाची प्रस्तावना मांडली. अध्यक्ष रविंद्र पाटील यांनी विद्यार्थ्यांच्या शिस्तबद्ध व उत्कृष्ट कामगिरीचे कौतुक केले. यावेळी उपस्थित सर्व डॉक्टरांनी विद्यार्थ्यांच्या सहभागाचे विशेष कौतुक केले.कार्यक्रमाच्या यशस्वी आयोजनासाठी प्राचार्य पी. एस. पाटील, अजीम शेख, उपप्राचार्य कविता सूर्यवंशी, विभाग प्रमुख नम्रता बेडीस्कर, काजल सिंधी, क्लार्क श्रीकांत खैरनार तसेच सर्व शिक्षक व शिक्षकेतर कर्मचाऱ्यांचे मोलाचे योगदान लाभले.कार्यक्रमाचे सूत्रसंचालन वृषाली पाटील व दर्शना पाटील यांनी केले.
