मुंबई, दि. ७ : सेशेल्स प्रजासत्ताकचे राष्ट्रपती डॉ. पॅट्रिक हर्मिनी आणि सेशेल्स प्रजासत्ताकच्या प्रथम महिला श्रीमती व्हेरॉनिक हर्मिनी यांचे शिष्टमंडळासमवेत छत्रपती शिवाजी महाराज विमानतळ, मुंबई येथे सकाळी ११.५५ वाजता आगमन झाले.
परिवहन मंत्री प्रताप सरनाईक यांनी त्यांचे पुष्पगुच्छ देऊन स्वागत केले. यावेळी, भारताचे सेशेल्स येथील उच्चायुक्त रोहित रथिश, अतिरिक्त पोलीस आयुक्त परमजीत सिंह दहिया, सचिव तथा मुख्य राजशिष्टाचार अधिकारी डॉ. राजेश गवांडे आणि मुंबई उपनगरचे जिल्हाधिकारी सौरभ कटियार आदी मान्यवर उपस्थित होते.
0000