वंजारी महाराणा प्रताप नगर येथे सेवानिवृत्त सैनिकाचा गौरवसेवापूर्ती सन्मान सोहळा उत्साहात संपन्न

पारोळा | प्रतिनिधी : पारोळा तालुक्यातील महाराणा प्रताप नगर (वंजारी) येथे भारतीय सेनेत तब्बल २० वर्षे निष्ठेने व प्रामाणिकपणे देशसेवा करून सेवानिवृत्त झालेले महेंद्रसिंग प्रकाश राजपूत (भारतीय सेनेच्या पॅराशुट रेजिमेंटचे हवालदार) यांचा सेवापूर्ती सन्मान सोहळा मोठ्या उत्साहात पार पडला.या गौरवशाली कार्यक्रमास आमदार अमोल पाटील प्रमुख उपस्थित होते. यावेळी त्यांनी सेवानिवृत्त जवानाच्या शौर्य, कर्तव्यनिष्ठा व देशभक्तीला सलाम करत उपस्थितांशी संवाद साधला.“देशसेवेसाठी आयुष्य अर्पण करणाऱ्या जवानांचा सन्मान होणे, ही प्रत्येक भारतीयासाठी अभिमानाची बाब आहे. अशा प्रेरणादायी कार्यक्रमातून नव्या पिढीला राष्ट्रसेवेची दिशा व ऊर्जा मिळते,” असे मत आमदार अमोल पाटील यांनी व्यक्त केले.याप्रसंगी सेवानिवृत्त जवान महेंद्रसिंग राजपूत यांचा सपत्नीक मान्यवरांच्या हस्ते सत्कार करण्यात आला.कार्यक्रमास नगराध्यक्ष चंद्रकांत पाटील, तरवाडे येथील समर्पण गोशाळेचे रविदास महाराज, प्राध्यापक रामचंद्र पाटील, सहायक पोलीस निरीक्षक योगेश महाजन, ज्येष्ठ पत्रकार बाळासाहेब पाटील, कुमारसिंग राजपूत (जळगाव), राजेंद्र राजपूत (मन्यार खेडा), यु. एच. करोडपती, सौ. समीक्षा लकीचंद राजपूत (नगरसेविका, भडगाव), रामचंद्र पाटील (मोहाडी), भिमसिंग राजपूत (जळगाव), संदीप राजपूत (बोदर्डे), समाधान राजपूत (बोदर्डे), संदीप राजपूत (कल्याणे होळ), सुमेरसिंग राजपूत, सरपंच जितेंद्र पाटील, उपसरपंच वनमाला पवार यांच्यासह वंजारी व बोदर्डे परिसरातील ग्रामस्थ मोठ्या संख्येने उपस्थित होते.या सन्मान सोहळ्याचे आयोजन पत्रकार बाळासाहेब पाटील (अध्यक्ष, श्री राष्ट्रीय राजपूत करणी सेना कोअर कमिटी) व स्वर्गीय स्वामीप्रसाद सिंह राजपूत मित्रमंडळ यांच्या नेतृत्वाखाली महाराणा प्रताप नगर ग्रामस्थांनी केले होते.कार्यक्रमाचे प्रास्ताविक बाळासाहेब पाटील यांनी केले. सूत्रसंचालन सुजित कंसारा व धनेश पाठक यांनी तर आभार प्रदर्शन सचिन राजपूत यांनी मानले.या प्रसंगाचे औचित्य साधून रात्री तरवाडे येथील समर्पण गोशाळेचे गोपालक, हरिभक्त परायण रविदास महाराज यांचे कीर्तन सेवा आयोजित करण्यात आली होती.