टायगर इंटरनॅशनल स्कूलचे प्रिन्सिपल पी. एस. पाटील यांना “इंडियाज मोस्ट इम्पॅक्टफुल स्कूल लीडर्स 2025” पुरस्कार

पारोळा -प्रतिनिधी : पारोळा येथील टायगर इंटरनॅशनल स्कूलचे प्रिन्सिपल पी. एस. पाटील यांना दिल्ली येथे आयोजित भव्य समारंभात “इंडियाज मोस्ट इम्पॅक्टफुल स्कूल लीडर्स 2025” या प्रतिष्ठित पुरस्काराने गौरविण्यात आले.हा सन्मान इंडियन प्रिन्सिपल नेटवर्क (IPN Forum) आणि अमृता विश्वविद्यापीठम यांच्या संयुक्त विद्यमाने प्रदान करण्यात आला. कार्यक्रमात अमृता विश्व विद्यापीठाचे संचालक ब्रह्मचारी माहेश्वरा चैतन्या तसेच आयपीएन फोरमचे संस्थापक व अध्यक्ष गौरव यादव यांच्या हस्ते पाटील सरांचा सन्मान करण्यात आला.यावेळी देशभरातील शंभर निवडक प्रिन्सिपल्सचा गौरव करण्यात आला. शैक्षणिक क्षेत्रातील नेतृत्व, नाविन्यपूर्ण उपक्रम आणि विद्यार्थीकेंद्रित कार्यपद्धती यासाठी पी. एस. पाटील यांची निवड करण्यात आली असल्याचे आयोजकांनी नमूद केले.या यशाबद्दल शाळेचे अध्यक्ष रवींद्र पाटील, संचालिका रूपाली पाटील तसेच सर्व शिक्षकवृंद यांनी पी. एस. पाटील सर यांचे अभिनंदन करून पुढील वाटचालीसाठी शुभेच्छा दिल्या.टायगर इंटरनॅशनल स्कूल परिवारासाठी हा सन्मान अभिमानास्पद असून शाळेच्या गुणवत्तापूर्ण शिक्षणाच्या वाटचालीला नवी प्रेरणा देणारा ठरला आहे.