शौर्य, संस्कार आणि राष्ट्रप्रेमाचा जागर – टायगर इंटरनॅशनल स्कूलमध्ये शिवजयंती उत्साहात

पारोळा (प्रतिनिधी) – पारोळ्यातील Tiger International School येथे छत्रपती शिवाजी महाराजांची जयंती देशभक्तीच्या वातावरणात अत्यंत उत्साहात व भक्तिभावाने साजरी करण्यात आली. यावेळी संपूर्ण शाळा परिसर शिवमय झाला होता.कार्यक्रमाची सुरुवात शाळेचे अध्यक्ष रविंद्र पाटील व संचालिका रूपाली पाटील यांच्या हस्ते छत्रपती शिवाजी महाराजांच्या प्रतिमेचे पूजन करून करण्यात आली. प्राचार्य पि. एस. पाटील यांनी प्रास्ताविकात शिवरायांच्या पराक्रमाचा, दूरदृष्टीचा व आदर्श नेतृत्वगुणांचा गौरवपूर्ण आढावा घेत विद्यार्थ्यांना त्यांच्या जीवनातून प्रेरणा घेण्याचे आवाहन केले.सिनियर केजी व इयत्ता पहिलीच्या विद्यार्थ्यांनी सादर केलेल्या देशभक्तीपर नृत्याने उपस्थित वातावरण भारावून गेले. इयत्ता पहिली ते सहावीच्या विद्यार्थ्यांसाठी आयोजित वक्तृत्व स्पर्धेत विद्यार्थ्यांनी आत्मविश्वासपूर्ण भाषणांद्वारे शिवचरित्र उजागर केले. तसेच पोवाड्यांच्या दमदार सादरीकरणातून शिवरायांच्या शौर्यगाथा जिवंत करण्यात आल्या.कार्यक्रमाचे सूत्रसंचालन इयत्ता चौथीच्या विद्यार्थिनी तीर्था पवार व जान्हवी पाटील यांनी आत्मविश्वासाने व समर्थपणे पार पाडले. बालशिवाजी व जिजाऊ माता यांच्या भूमिका विद्यार्थ्यांनी उत्कृष्ट अभिनयातून साकारून उपस्थितांची दाद मिळवली.अध्यक्ष रविंद्र पाटील यांनी आपल्या मनोगतात विद्यार्थ्यांनी शिवाजी महाराजांच्या जीवनातील धैर्य, शिस्त व राष्ट्रनिष्ठा यांसारखे गुण आत्मसात करून ते जीवनात आचरणात आणावेत, असे मार्गदर्शन केले.या कार्यक्रमास प्राचार्य पि. एस. पाटील, अजीम शेख, उपप्राचार्या कविता सूर्यवंशी, विभागप्रमुख नम्रता बेडीस्कर, वृषाली पाटील, काजल सिंधी, लिपिक श्रीकांत खैरनार तसेच सर्व शिक्षकवृंद उपस्थित होते. कार्यक्रमाचे आभार प्रदर्शन अजीम शेख यांनी केले.