प्रवक्ता अकॅडमी ला इंग्लिश स्पीकिंग चे रूट्स माहीत आहे -डॉ. शेफाली भुजबळ

नाशिक – प्रतिनिधी, प्रवक्ता अकॅडमी पंचवटी, नाशिक येथील नव्या शाखेचे उद्घाटन मान्यवरांच्या उपस्थितीत उत्साहात पार पडले.या कार्यक्रमास डॉ. शेफाली भुजबळ (मुख्य प्रशासन, भुजबळ नॉलेज सिटी), उमेश पाटील (पोलीस निरीक्षक, आडगाव पोलीस स्टेशन), डॉ. राहुल रनाडकर (संपादक – पुढारी दैनिक), प्राचार्य डी. आर. पाटील (उपाध्ये कॉलेज), प्रो. रवींद्र पाटील (संस्थापक, प्रवक्ता अकॅडमी), सुहास शिंदे (एस एस एप्पल इंग्लिश मीडियम स्कूल) तसेच पंचवटी शाखेच्या संचालिका स्नेहा बागडे व धीरज बागडे यांच्यासह अकॅडमीचे सर्व पदाधिकारी उपस्थित होते.इंग्लिश शिक्षणाची मुळापासून घडणआपल्या भाषणात डॉ. शेफाली भुजबळ यांनी सांगितले की, “प्रवक्ता अकॅडमी ही इंग्लिशचे शिक्षण मुळापासून देते. विद्यार्थ्याला स्पेलिंग-रायटिंगपासून ते इंटरव्ह्यू स्किल्सपर्यंत कोणत्याही वयात पारंगत करण्याचे काम अकॅडमी करते. ही अत्यंत महत्त्वाची बाब आहे.”भुजबळ नॉलेज सिटीमध्ये काम करताना विविध भागांतून येणाऱ्या विद्यार्थ्यांच्या इंग्लिशविषयक अडचणी त्यांनी जवळून अनुभवल्या असल्याचे त्यांनी नमूद केले. इंग्लिशची भीती व अडथळे दूर करण्यासाठी प्रवक्ता अकॅडमीचे कार्य उल्लेखनीय असल्याचे त्यांनी स्पष्ट केले. तसेच अकॅडमीने आर्टिफिशियल इंटेलिजन्स आधारित सिलेबस सुरू करून मोठी कामगिरी केल्याचेही त्यांनी गौरवले.इंग्लिशचे जागतिक महत्त्वडॉ. राहुल रनाडकर यांनी प्रदेशभर फिरताना इंग्लिश संदर्भातील अडचणींवर प्रकाश टाकला.प्राचार्य डी. आर. पाटील यांनी इंग्लिशचे जागतिक महत्त्व, योग्य उच्चार आणि त्यात पारंगत होण्याचे मार्ग याबाबत सखोल मार्गदर्शन केले.संस्थापक प्रो. रवींद्र पाटील यांनी भविष्यातील शिक्षणपद्धतीबद्दल आपली भूमिका स्पष्ट करताना सांगितले की, “डिजिटल बेसिक शिक्षण पुरेसे नाही; विद्यार्थ्यांना प्रॅक्टिकल आणि स्किल-बेस्ड शिक्षण देणे गरजेचे आहे.”शिक्षणासाठी समर्पणसंचालिका स्नेहा बागडे यांनी सांगितले की, “मी इलेक्ट्रिकल इंजिनिअर असूनही शिक्षण क्षेत्रात येण्याचा निर्णय घेतला, कारण मला भविष्यातील पिढी घडवायची आहे.” या कार्यात त्यांना त्यांच्या पती धीरज बागडे यांची खंबीर साथ लाभली.कार्यक्रमासाठी स्टेट हेड शशिकांत महाजन, मार्केटिंग हेड विजय पाटील, नाशिक हेड अरुण सैंदाणे यांचे विशेष सहकार्य लाभले.सागर वाणी यांनी सूत्रसंचालन केले, तर धीरज बागडे यांनी उपस्थित मान्यवरांचे आभार मानले.प्रवक्ता अकॅडमीची ही नवी शाखा नाशिकमधील विद्यार्थ्यांसाठी इंग्लिश शिक्षणात नवी दिशा देणारी ठरेल, असा विश्वास व्यक्त करण्यात आला.