पारोळा – प्रतिनिधी, पारोळा येथील राणी लक्ष्मीबाई कनिष्ठ महाविद्यालयाला प्रतिष्ठेची ‘अ+’ श्रेणी प्राप्त झाली आहे. विशेष म्हणजे जळगाव जिल्ह्यातील एकमेव कनिष्ठ महाविद्यालयास पहिल्याच फेरीत “अ +” श्रेणी प्राप्त झाली आहे. राज्य शैक्षणिक संशोधन व प्रशिक्षण परिषद, महाराष्ट्र, पुणे (SCERT) यांच्या SQAAF (School Quality Assessment and Assurance Framework) अंतर्गत करण्यात आलेल्या शाळा गुणवत्ता मूल्यांकनात ही श्रेणी देण्यात आली आहे. या यशासाठी महाविद्यालयाचे प्राचार्य डॉ. व्ही. आर. पाटील, कनिष्ठ महाविद्यालयाचे उपप्राचार्य डॉ. वंदना एस. पाटील, शाळा गुणवत्ता मूल्यांकन आणि आश्वासन आराखडा (SQAAF) चे समन्वयक डॉ. ईश्वर एस. पाटील, सहा क्षेत्रांचे चेअरमन पी. पी. पाटील, ए. ए. मोरे, एन. व्ही. पाटील, एम. आर. नेरकर, एस. बी. साळुंखे, डॉ. एन. एन. पवार आणि सर्व समितीतील सदस्य, कनिष्ठ महाविद्यालयाचे कार्यालयीन काम पाहणारे पी. एस. पाटील, शिपाई शिवाजी पाटील, दीपक भिल या सर्वाच्या परिश्रमाचे यश आहे.संस्थेचे अध्यक्ष माजी खासदार ॲड. वसंतराव मोरे, ॲड. रोहन मोरे यांचे सह सर्वच स्तरावरून राणी लक्ष्मीबाई कनिष्ठ महाविद्यालयाचे अभिनंदन होत आहे.
