पारोळा – प्रतिनिधी , पारोळा तालुक्यात आज बुधवारी सायंकाळी अचानक वातावरणात बदल झाला.विजेच्या कडकडाटा सह रात्री नऊ नंतर पावसाच्या सरी कोसळल्या. दिवसभर जाणवणाऱ्या उकाड्यामुळे हैराण झालेल्या नागरिकांना मात्र या पावसामुळे मोठा दिलासा मिळाला. तालुक्यातील मेहूटेहू देवगांव, शिरसमणी,चोरवड,बोळे,ढोली, वेल्हाणे,उंदीरखेडे,मोंढाळेपिंप्री, विचखेडे,म्हसवे,सार्वे आदी परिसरात विजेच्या कडकडाट, जोरदार वाऱ्यासह पावसाने हजेरी लावली.त्यामुळे ऐन काढणीच्या अवस्थेत असलेल्या पिकांना फटका बसण्याची भीती व्यक्त केली जात आहे.विशेषतः ज्वारी, हरभरा आदी पिकांवर परिणाम होण्याची शक्यता वर्तवली जात असुन हा शेतकऱ्यांसाठी चिंतेचा विषय आहे.दरम्यान,पुढील काही दिवस हवामानात आणखी बदल होण्याची शक्यता वर्तवली जात आहे.त्यामुळे शेतकऱ्यांनी सावधानता बाळगावी असे आवाहन प्रशासनामार्फत करण्यात आले आहे.
