पारोळा (प्रतिनिधी) – नवनाथ मंदिर ट्रस्ट, पारोळा यांच्या वतीने दरवर्षीप्रमाणे यंदाही महाप्रसाद वाटपाचा धार्मिक कार्यक्रम उत्साहात आयोजित करण्यात आला आहे. हा कार्यक्रम शुक्रवार, दिनांक २० मार्च २०२६ रोजी श्री नवनाथ मंदिर, हायवे रोड, पारोळा (जि. जळगाव) येथे पार पडणार आहे.
या कार्यक्रमाची प्रेरणास्थान कै. हरिनाथ महाराज असून, सकाळी १२ वाजता ॐ चैतन्य कानिफनाथ महाराजांची पूजा व आरती संपन्न होणार आहे. त्यानंतर दुपारी १२ ते सायंकाळी ७ वाजेपर्यंत महाप्रसाद वाटप करण्यात येणार आहे.
या धार्मिक सोहळ्याचे शुभहस्ते आमदार अमोल चिमणराव पाटील यांच्या हस्ते होणार असून, स्वागताध्यक्ष म्हणून माजी नगराध्यक्ष दयाराम बबीराम पाटील उपस्थित राहणार आहेत.
नवनाथ ट्रस्टच्या वतीने सर्व भाविक बंधू-भगिनींना महाप्रसादाचा व दर्शनाचा लाभ घेण्याचे आवाहन करण्यात आले आहे. कार्यक्रम यशस्वी करण्यासाठी श्री नवनाथ ग्रुप, पारोळा यांच्यासह सर्व पदाधिकारी व कार्यकर्ते प्रयत्नशील आहेत.
