जलसेवेतून आईच्या स्मृतींना उजाळा; मराठे परिवाराची सामाजिक बांधिलकी कौतुकास्पद – आमदार अमोल पाटील

पारोळा – प्रतिनिधी ,गेल्या दहा वर्षांपासून अविरतपणे मराठी नववर्ष गुढीपाडव्याच्या निमित्ताने मराठे परिवारातील भूपेंद्र मराठे व बापू मराठे हे त्यांच्या मातोश्री कै. डॉ. आशाताई मराठे यांच्या स्मरणार्थ पाणपोई सुरू करत आहेत. यंदा या उपक्रमाचे अकरावे वर्ष असून, समाजासाठीची त्यांची बांधिलकी पुन्हा एकदा अधोरेखित झाली आहे.बाजारपेठेलगत वर्दळीच्या ठिकाणी सुरू करण्यात आलेली ही पाणपोई नागरिकांसाठी अत्यंत उपयुक्त ठरत आहे. उन्हाळ्याची तीव्रता वाढत असताना अनेकांची तहान भागवणारा हा उपक्रम खरोखरच कौतुकास्पद असल्याचे मत आमदार अमोल पाटील यांनी व्यक्त केले.यावेळी नगराध्यक्ष चंद्रकांत पाटील, नगरसेवक राजेंद्र कासार, नितीन सोनार, मनीष पाटील, दीपक अनुष्ठान, बापू मिस्तरी, विवेक पाटील, दगडू पवार, इमरान शेख, सलीम तसेच स्थानिक नागरिक मोठ्या संख्येने उपस्थित होते.कार्यक्रमाच्या प्रारंभी कै. डॉ. आशाबाई मराठे यांच्या प्रतिमेचे पूजन करून जलसेवेचा शुभारंभ करण्यात आला. या पाणपोईचा लाभ शहरवासीयांसह ग्रामीण भागातील नागरिकांनाही होणार असल्याचे नगराध्यक्ष चंद्रकांत पाटील यांनी सांगितले. तसेच शहरातील विविध ठिकाणी अशा प्रकारची जलसेवा सुरू झाल्यास गरजू नागरिकांना मोठा दिलासा मिळेल, अशी अपेक्षा व्यक्त करण्यात आली.या उपक्रमाच्या यशस्वीतेसाठी आशा परिवाराचे अध्यक्ष भूपेंद्र मराठे, बापू मराठे, प्रतीक मराठे, धनंजय मराठे, भुजंगराव मराठे, शशांक मराठे तसेच सर्व कर्मचाऱ्यांनी परिश्रम घेतले.