टायगर इंटरनॅशनल स्कूल, पारोळा येथे किंडरगार्टन ग्रॅज्युएशन डे उत्साहात साजरा

पारोळा (प्रतिनिधी) : टायगर इंटरनॅशनल स्कूल, पारोळा येथे किंडरगार्टन विद्यार्थ्यांचा ग्रॅज्युएशन डे अत्यंत उत्साहात व आनंददायी वातावरणात साजरा करण्यात आला. लहानग्या विद्यार्थ्यांनी आपल्या शैक्षणिक प्रवासातील पहिला महत्त्वाचा टप्पा पूर्ण केल्याचा आनंद या निमित्ताने व्यक्त केला.कार्यक्रमाची सुरुवात दीपप्रज्वलनाने करण्यात आली. तसेच भगवान महावीर जयंती निमित्त अध्यक्ष रवींद्र पाटील व संचालिका रूपाली पाटील यांच्या हस्ते प्रतिमा पूजन करण्यात आले.यानंतर विद्यार्थ्यांनी आकर्षक नृत्य, गाणी व विविध सांस्कृतिक कार्यक्रम सादर करून उपस्थितांची मने जिंकली. ग्रॅज्युएशन गाऊन व कॅप परिधान केलेल्या विद्यार्थ्यांचा आत्मविश्वास, उत्साह व निरागस आनंद विशेष पाहण्यासारखा होता.या प्रसंगी प्रमुख पाहुणे C.A. मुकेश चोरडिया, RSS पारोळा तालुका प्रमुख प्रितेश जैन तसेच PTA सदस्य उपस्थित होते. मान्यवरांनी विद्यार्थ्यांचे कौतुक करून त्यांच्या उज्ज्वल शैक्षणिक भविष्यासाठी शुभेच्छा दिल्या. पालकांनीही आपल्या पाल्यांच्या या यशस्वी टप्प्याचा अभिमान व्यक्त केला.कार्यक्रमाची प्रस्तावना प्राचार्य पि. एस. पाटील यांनी मंडळी व आभार प्रदर्शन प्री प्रायमरी प्राचार्य अजीम शेख यांनी मांडली. तसेच कविता सूर्यवंशी, विभाग प्रमुख नम्रता बेडीस्कर, वृषाली पाटील, काजल सिंधी, क्लार्क श्रीकांत खैरनार तसेच सर्व शिक्षक व शिक्षकेतर कर्मचारी मोठ्या संख्येने उपस्थित होते.कार्यक्रमाचे उत्कृष्ट सूत्रसंचालन शितल वाघ व निशा पाटील यांनी केले.कार्यक्रमाचा समारोप विद्यार्थ्यांना प्रमाणपत्र वितरण करून करण्यात आला. एकूणच हा सोहळा विद्यार्थ्यांसाठी आनंददायी व अविस्मरणीय ठरला.