धर्मादाय ट्रस्ट ॲक्टखाली नोंदणीकृत रुग्णालय कामकाजाबाबत राज्यमंत्री ॲड. आशिष जयस्वाल यांच्याकडून आढावा

मुंबई, दि. ७:  राज्यात धर्मादाय ट्रस्ट ॲक्टखाली नोंदणीकृत असलेल्या रुग्णालयांच्या कामकाज बाबत विधी व न्याय राज्यमंत्री ॲड.आशिष जयस्वाल  यांनी आढावा घेऊन संबंधित अधिकाऱ्यांना सूचना केल्या.

राज्यमंत्री आशिष जयस्वाल यांच्या अध्यक्षतेखाली मंत्रालयात झालेल्या या बैठकीस विधी व न्याय विभागाचे प्रधान सचिव दिलीप घुमरे, धर्मादाय उपायुक्त वैभव जाधव यांच्यासह संबंधित अधिकारी उपस्थित होते.

राज्यमंत्री ॲड. आशिष जयस्वाल म्हणाले, राज्यातील सामान्य  माणसाला या धर्मादाय ट्रस्टच्या रुग्णालयातून विनासायास आरोग्यसेवा उपलब्ध व्हाव्यात. धर्मादाय ट्रस्ट ॲक्टखाली नोंदणीकृत रुग्णालयात निर्धन व दुर्बल घटकातील रुग्णास दिल्या जाणाऱ्या आरोग्य सेवांचा नियमित आढावा घेण्यात यावा.

बैठकीत धर्मदाय रुग्णालय योजनेअंतर्गत असलेल्या सर्व रुग्णालयांचे आय.पी.एफ व पी.टी ए. बाबतही आढावा घेण्यात आला

०००

एकनाथ पोवार/स.सं