टायगर इंटरनॅशनल स्कूल येथे क्रांतिसूर्य महात्मा ज्योतिबा फुले यांची जयंती मोठ्या उत्साहात साजरी करण्यात आली.

पारोळा- प्रतिनिधी,पारोळा कार्यक्रमाची सुरुवात प्रतिमापूजनाने करण्यात आली. यावेळी शाळेचे अध्यक्ष रवींद्र पाटील व संचालिका रूपाली पाटील यांच्या हस्ते महात्मा फुले यांच्या प्रतिमेला पुष्पहार अर्पण करून अभिवादन करण्यात आले.याप्रसंगी प्राचार्य पी. एस. पाटील यांनी महात्मा फुले यांच्या जीवनकार्याची सविस्तर माहिती देत त्यांच्या शिक्षण, स्त्री-समानता आणि समाजसुधारणेतील कार्याचा गौरव केला.तसेच कार्यक्रमात प्री-स्कूल प्राचार्य अजीम शेख, उपप्राचार्या कविता सूर्यवंशी, स्कूल समन्वयक नम्रता बेडीस्कर, विभाग प्रमुख वृषाली पाटील, काजल सिंधी, क्लार्क श्रीकांत खैरनार तसेच सर्व शिक्षक व शिक्षकेतर कर्मचारी उपस्थित होते. त्यांच्या मोलाच्या योगदानामुळे कार्यक्रम यशस्वीरीत्या पार पडला.कार्यक्रमाच्या शेवटी सर्वांनी महात्मा फुले यांच्या कार्याला अभिवादन करून समता व शिक्षणाचा प्रसार करण्याचा संकल्प केला.