पारोळा (प्रतिनिधी) – तालुक्यातील म्हसवे शिवारात राष्ट्रीय महामार्ग ५३ लगत असलेल्या रामदेव राजस्थानी चौधरी हायवे हॉटेलच्या मागील बाजूस अवैधरित्या रासायनिक पदार्थ साठवणूक प्रकरणात अटक करण्यात आलेल्या संशयित आरोपी दिनेश पाटील यांस न्यायालयाने जामीन मंजूर केला आहे.आरोपी पक्षातर्फे विधीतज्ञ ॲड.उज्वल मिसर व ॲड. सिद्धांत मिसर यांनी न्यायालयात कामकाज,बाजू मांडली.
रामदेव राजस्थानी चौधरी हायवे हॉटेलच्या मागील बाजूस पत्री शेडच्या आडोशाला झाडाझुडपांमध्ये अवैध धोकादायक रासायनिक पदार्थ साठवणूक तसेच काळ्या बाजारात विक्री करण्याच्या उद्देशाचा संशयातून पोलीस उपाधीक्षक प्रशांत दरेकर व पोलीस निरीक्षक अशोक पवार यांच्या मार्गदर्शनाखाली पथकाने सोमवारी या ठिकाणी छापा टाकून आरोपीसह सुमारे ९ लाख ३२ हजार १२५ रुपयांचा मुद्देमाल जप्त केला होता.न्यायालयात झालेल्या सुनावणीनंतर आरोपीस जामीन मंजूर करण्यात आला.