पारोळा-प्रतिनिधी, प्रतीक मराठे – तालुक्यातील मंगरूळ येथे गर्जना क्रीडा मंडळाच्या वतीने आयोजित भव्य एकदिवसीय कबड्डी स्पर्धेचे उद्घाटन आ. अँड. अमोल पाटील यांच्या हस्ते करण्यात आले. पारोळा तालुक्यात प्रथमच मॅटवर आयोजित करण्यात आलेल्या या स्पर्धेमुळे परिसरातील क्रीडाप्रेमी आणि कबड्डीपटूंमध्ये मोठा उत्साह पाहायला मिळाला.यावेळी उपस्थित खेळाडू, आयोजक, क्रीडारसिक व मान्यवरांना मार्गदर्शन करताना कबड्डी हा केवळ खेळ नसून शिस्त, संघभावना, चिकाटी आणि संघर्षाची प्रेरणा देणारा खेळ असल्याचे सांगितले. ग्रामीण भागातील युवकांमध्ये असलेली क्रीडा प्रतिभा अशा स्पर्धांमधून पुढे येते आणि राज्य तसेच राष्ट्रीय स्तरावर यश संपादन करण्यासाठी त्यांना व्यासपीठ उपलब्ध होते, असे मत आ. पाटील यांनी व्यक्त केले.गर्जना क्रीडा मंडळाने अतिशय उत्कृष्ट नियोजन करून या स्पर्धेचे आयोजन केले त्याचे आयोजक भाविक मनोहर पाटील व मुकेश आनंदा मोरे असून ग्रामीण भागातील क्रीडा संस्कृती जोपासण्यासाठी त्यांचे कार्य निश्चितच कौतुकास्पद आहे. स्पर्धेत सहभागी सर्व संघांना शुभेच्छा देत खेळाडूंनी खेळभावना जपत उत्कृष्ट खेळाचे प्रदर्शन करावे, असे आवाहन केले.या प्रसंगी शिवसेनेचे तालुकाप्रमुख मधुकर पाटील, शेतकी संघाचे मा.अध्यक्ष विजय सुदाम पाटील, पंडित पाटील, माजी सरपंच डॉ. सुनील अभिमन पाटील, शेतकी संघाचे संचालक बबलू पाटील, शेतकी संघाचे व्यवस्थापक भरत पाटील, नगरसेवक मनोज जगदाळे, शिवसेनेचे उपगटनेते तथा नगरसेवक पंकज मराठे, नगरसेवक विवेक पाटील, उपशिक्षक विकास जगन्नाथ जाधव, मुंदाणे येथील एकनाथ पाटील, टिटवी येथील गोविंद पवार, राजेंद्र विसावे पिपीं यांचेसह आयोजक मंडळाचे पदाधिकारी, ग्रामस्थ, क्रीडाप्रेमी, युवक वर्ग तसेच विविध क्षेत्रातील मान्यवर मोठ्या संख्येने उपस्थित होते. यात आलेले संघ राजस्थान, दिल्ली, हरियाणा, पंजाब, गुजरात, उत्तर प्रदेश, मध्यप्रदेश, उज्जैन, कर्नाटक, जळगाव, धूळ, नंदुरबार, भुसावळ, प्रयागराज, नाशिक, परभणी, अमरावती, वाशीम, मुंबई, हैद्राबाद होतेत्यात जिंकलेले संघ प्रथम पारितोषिक वाशीम टायगर यांनी पटकावले, द्वितीय पारितोषिक ज्ञानलीला डिफेन्डर जळगाव, तृतीय पारितोषिक NSPM नाशिक, चतुर्थ पारितोषिक UP प्रयागराज
