टायगर इंटरनॅशनल स्कूल, पारोळा येथे राजर्षी छत्रपती शाहू महाराज व बंकिमचंद्र चट्टोपाध्याय यांची जयंती उत्साहात साजरी

पारोळा : टायगर इंटरनॅशनल स्कूल, पारोळा येथे ‘वंदे मातरम्’ या अजरामर गीताचे रचनाकार, महान बंगाली साहित्यिक बंकिमचंद्र चट्टोपाध्याय तसेच दूरदर्शी, सामाजिक सुधारणांचे पुरस्कर्ते राजर्षी छत्रपती शाहू महाराज यांच्या जयंतीनिमित्त अभिवादन कार्यक्रमाचे आयोजन करण्यात आले.यावेळी संस्थेचे अध्यक्ष रवींद्र पाटील व संचालिका रूपाली पाटील यांच्या हस्ते बंकिमचंद्र चट्टोपाध्याय व राजर्षी छत्रपती शाहू महाराज यांच्या प्रतिमांचे पूजन करून पुष्पहार अर्पण करण्यात आला. उपस्थितांनी दोन्ही महापुरुषांच्या राष्ट्रभक्ती, साहित्यसेवा, सामाजिक न्याय, शिक्षणप्रेम आणि समाजपरिवर्तनासाठी दिलेल्या अमूल्य योगदानाला विनम्र अभिवादन केले.कार्यक्रमात प्राचार्य पी. एस. पाटील, उपप्राचार्य अजीम शेख, उपप्राचार्या कविता सूर्यवंशी, स्कूल समन्वयक नम्रता बेडीस्कर, वृषाली पाटील, काजल सिंधी, क्लार्क श्रीकांत खैरनार तसेच सर्व शिक्षक व शिक्षकेतर कर्मचारी उपस्थित होते.यावेळी विद्यार्थ्यांना बंकिमचंद्र चट्टोपाध्याय यांच्या जीवनकार्याची व ‘वंदे मातरम्’ या गीताच्या ऐतिहासिक महत्त्वाची तसेच राजर्षी छत्रपती शाहू महाराज यांच्या सामाजिक समता, शिक्षणाचा प्रसार आणि सर्वसमावेशक समाजनिर्मितीतील कार्याची माहिती देण्यात आली.कार्यक्रमाचा समारोप राष्ट्रप्रेम, सामाजिक समता आणि मानवतेच्या मूल्यांचे जतन करण्याचा संकल्प करून करण्यात आला.