सबगव्हाण टोलनाक्याजवळ भीषण अपघात : टँकरला आग, चालकाचा जागीच मृत्यू

पारोळा | प्रतिनिधी (प्रतीक मराठे )पारोळा तालुक्यातील सबगव्हाण टोलनाक्याजवळ आज भीषण अपघात होऊन टँकरला मोठ्या प्रमाणात आग लागली. अपघातानंतर काही क्षणांतच टँकरने पेट घेतल्याने परिसरात एकच खळबळ उडाली.घटनेची माहिती मिळताच अग्निशमन दल, पोलीस व स्थानिक नागरिकांनी तातडीने घटनास्थळी धाव घेत बचावकार्य सुरू केले. अग्निशमन दलाच्या अथक प्रयत्नांनंतर आगीवर अखेर नियंत्रण मिळविण्यात आले.मात्र, या भीषण अपघातात टँकर चालकाचा जागीच मृत्यू झाला. अपघाताचे नेमके कारण अद्याप स्पष्ट झाले नसून पोलीस पुढील तपास करत आहेत.या दुर्घटनेमुळे काही काळ वाहतूक विस्कळीत झाली होती. पोलिसांनी वाहतूक सुरळीत करण्यासाठी आवश्यक उपाययोजना केल्या.