लोकशाहीर अण्णाभाऊ साठे यांच्या पुण्यतिथीनिमित्त टायगर इंटरनॅशनल स्कूलमध्ये विनम्र अभिवादन

पारोळा : प्रतिनिधी – प्रतिक मराठे, टायगर इंटरनॅशनल स्कूल येथे साहित्यसम्राट, लोकशाहीर, समाजप्रबोधनकार आणि पद्मश्री अण्णाभाऊ साठे यांच्या पुण्यतिथीनिमित्त त्यांना विनम्र अभिवादन करण्यात आले.कार्यक्रमाची सुरुवात अध्यक्ष रविंद्र पाटील यांच्या हस्ते प्रतिमा पूजन करून करण्यात आली. यावेळी संचालिका रूपाली पाटील यांची प्रमुख उपस्थिती होती.कार्यक्रमास प्राचार्य पी. एस. पाटील, अजीम शेख, उपप्राचार्या कविता सूर्यवंशी, स्कूल समन्वयक नम्रता बेडिस्कर, विभाग प्रमुख वृषाली पाटील, काजल सिंधी, क्लार्क श्रीकांत खैरनार तसेच सर्व शिक्षकवृंद उपस्थित होते.यावेळी लोकशाहीर अण्णाभाऊ साठे यांच्या साहित्य, लोककला आणि समाजजागृतीसाठी केलेल्या अतुलनीय कार्याचा गौरव करण्यात आला. त्यांच्या विचारांतून समता, सामाजिक न्याय, शिक्षण आणि कष्टाचे महत्त्व विद्यार्थ्यांपर्यंत पोहोचविण्यात आले. त्यांच्या प्रेरणादायी जीवनकार्याचा आदर्श विद्यार्थ्यांनी आपल्या जीवनात अंगीकारावा, असे आवाहन यावेळी करण्यात आले.