टायगर इंटरनॅशनल स्कूलमध्ये अद्ययावत लायब्ररीचे उद्घाटन; योग शिक्षकांचा सन्मान

पारोळा – प्रतिनिधी | पारोळा टायगर इंटरनॅशनल स्कूल, पारोळा येथे टायगर इंटरनॅशनल स्कूल आणि अभंग प्रतिष्ठान यांच्या संयुक्त विद्यमाने आयोजित कार्यक्रमात योग क्षेत्रात उल्लेखनीय योगदान देणाऱ्या योग शिक्षकांचा सन्मान करण्यात आला. तसेच पारोळा–एरंडोल मतदारसंघाचे विद्यमान आमदार ॲड. अमोल पाटील यांच्या हस्ते शाळेतील प्रशस्त व सुसज्ज लायब्ररीचे उद्घाटन करण्यात आले.कार्यक्रमाची सुरुवात शाळेचे अध्यक्ष रवींद्र पाटील, संचालिका रूपाली पाटील, आमदार ॲड. अमोल चिमणराव पाटील, नगराध्यक्ष चंद्रकांत दादा पाटील, नगरसेवक अमृत चौधरी, दीपक अनुष्ठान, नितीन सोनार, भूषण टिपरे आदी मान्यवरांच्या हस्ते सरस्वती पूजन व दीपप्रज्वलनाने करण्यात आली. यानंतर उपस्थित मान्यवरांचे पुष्पगुच्छ देऊन स्वागत करण्यात आले.कार्यक्रमाची प्रस्तावना शाळेचे अध्यक्ष रवींद्र पाटील यांनी केली. आपल्या प्रस्तावनेत त्यांनी शाळेच्या शैक्षणिक वाटचालीत वाचनसंस्कृतीला असलेले महत्त्व अधोरेखित केले. विद्यार्थ्यांना पाठ्यपुस्तकांच्या पलीकडे जाऊन विविध विषयांचे ज्ञान मिळावे, त्यांच्यामध्ये वाचनाची आवड निर्माण व्हावी आणि स्वतंत्र विचार करण्याची क्षमता विकसित व्हावी, या उद्देशाने शाळेत अत्याधुनिक लायब्ररीची उभारणी करण्यात आल्याचे त्यांनी सांगितले.यावेळी मार्गदर्शन करताना ॲड. अमोल पाटील यांनी विद्यार्थ्यांच्या शैक्षणिक विकासामध्ये वाचनाचे महत्त्व अधोरेखित केले. लायब्ररी ही केवळ पुस्तके ठेवण्याची जागा नसून विद्यार्थ्यांच्या ज्ञानवृद्धी, कल्पनाशक्ती, चिकित्सक विचार, सर्जनशीलता आणि व्यक्तिमत्त्व विकासाचे केंद्र आहे, असे त्यांनी नमूद केले. विद्यार्थ्यांनी नियमित वाचनाची सवय लावून ज्ञानाच्या विविध क्षेत्रांचा अभ्यास करावा, असे आवाहनही त्यांनी केले.कार्यक्रमात योग क्षेत्रात उल्लेखनीय योगदान देणाऱ्या योग शिक्षकांचा मान्यवरांच्या हस्ते सन्मान करण्यात आला. यामध्ये राजेंद्र अमृतकर, पंकज पाटील, विजय पाटील, सतीश वाघ, सोनाली बोरसे, शोभा मिटर, कल्पना सावंत, पूनम पाटील, रत्ना भदाणे, महानंदा पाटील, जयश्री पाटील, माधुरी पाटील, उषा पवार, कामिनी पवार, रुपेश अग्रवाल, शेखर सिंग चव्हाण, हेमंत चौधरी, भगवान अमृतकर, प्रदीप सोनजे, कांतीलाल गायकवाड आणि ईश्वर पाटील यांचा समावेश होता.यावेळी योग शिक्षकांनी विद्यार्थ्यांच्या शारीरिक व मानसिक आरोग्यासाठी योगाचे महत्त्व, नियमित योगाभ्यासाची आवश्यकता आणि निरोगी जीवनशैली याबाबत मार्गदर्शन केले. योगामुळे शरीरासोबतच मनाची एकाग्रता, आत्मविश्वास आणि सकारात्मक विचारसरणी विकसित होण्यास मदत होते, असा संदेश देण्यात आला.कार्यक्रमाचे सूत्रसंचालन शाळेच्या शिक्षिका निशा पाटील आणि मयूर ठाकरे यांनी प्रभावीपणे केले. आपल्या ओघवत्या निवेदनातून त्यांनी कार्यक्रमातील विविध उपक्रमांची माहिती देत संपूर्ण कार्यक्रमाला सुंदर व शिस्तबद्ध स्वरूप दिले.यावेळी शाळेचे अध्यक्ष रवींद्र पाटील, संचालिका रूपाली पाटील, प्राचार्य पी. एस. पाटील, उपप्राचार्या सौ. कविता सूर्यवंशी, कॉर्डिनेटर नम्रता बेडिसकर, काजल सिंधी, शिक्षकवृंद, विद्यार्थी तसेच अभंग प्रतिष्ठानचे पदाधिकारी मोठ्या संख्येने उपस्थित होते.कार्यक्रमाच्या समारोपप्रसंगी शाळेचे प्राचार्य पी. एस. पाटील सर यांनी आभार प्रदर्शन केले. त्यांनी कार्यक्रमासाठी उपस्थित राहिलेल्या सर्व मान्यवरांचे, योग शिक्षकांचे, अभंग प्रतिष्ठानच्या पदाधिकारी अध्यक्ष विकास सोनवणे ,उपाध्यक्ष राजीव चौधरी ,कार्याध्यक्ष पि,यू मुंदानकर उपस्थित होते उपस्थित होते व पालकांचे, शिक्षक-शिक्षकेतर कर्मचाऱ्यांचे आणि विद्यार्थ्यांचे मनःपूर्वक आभार मानले. कार्यक्रमाच्या यशस्वी आयोजनासाठी सहकार्य करणाऱ्या सर्वांचे त्यांनी विशेष कौतुक केले.शाळेच्या शैक्षणिक विकासासोबतच विद्यार्थ्यांमध्ये वाचनसंस्कृती, आरोग्यविषयक जागरूकता आणि सर्वांगीण व्यक्तिमत्त्व विकास रुजविण्याचा संदेश देणारा हा कार्यक्रम उत्साहपूर्ण, प्रेरणादायी आणि संस्मरणीय वातावरणात संपन्न झाला.