महाराष्ट्र शेतकरी संघटनेच्या श्री. किरण अकर्ते यांची मोर्शी-वरूड विधानसभा सर्कल प्रमुखपदी किरण अकर्ते यांची नियुक्ती

पारोळा – प्रतिनिधी : महाराष्ट्र शेतकरी संघटनेच्या संघटनात्मक विस्ताराला गती देऊन शेतकऱ्यांच्या प्रश्नांना अधिक प्रभावीपणे वाचा फोडण्यासाठी श्री. किरण अकर्ते यांची मोर्शी-वरूड विधानसभा सर्कल प्रमुख म्हणून नियुक्ती करण्यात आली आहे.ही नियुक्ती महाराष्ट्र शेतकरी संघटनेचे प्रदेश अध्यक्ष व राष्ट्रीय प्रवक्ते श्री. भूषण कुंटे यांनी संस्थापक व राष्ट्रीय अध्यक्ष श्री. सुनील देवरे पाटील यांच्या संमतीने केली आहे.श्री. किरण अकर्ते हे उद्योजक असून प्लास्टिक प्रोसेसिंग युनिटचा व्यवसाय चालवितात. त्याचबरोबर ते पारंपरिक तसेच व्यावसायिक शेतीशीही जोडलेले आहेत. उद्योग आणि शेती या दोन्ही क्षेत्रांचा प्रत्यक्ष अनुभव असल्यामुळे शेतकरी, कृषी व्यवसाय आणि ग्रामीण अर्थव्यवस्थेतील विविध प्रश्नांची त्यांना चांगली जाण आहे.

मोर्शी आणि वरूड या दोन्ही तालुक्यांमध्ये महाराष्ट्र शेतकरी संघटनेचे भक्कम व सक्रिय संघटनात्मक नेटवर्क उभारण्याची जबाबदारी श्री. अकर्ते यांच्यावर सोपविण्यात आली आहे. त्यांच्या नेतृत्वाखाली दोन्ही तालुक्यांसाठी तालुकाध्यक्ष, तसेच गावपातळीवर ग्रामाध्यक्ष व संघटनेच्या पदाधिकाऱ्यांच्या नियुक्त्या करून संघटनेचे संघटनात्मक जाळे प्रत्येक गावापर्यंत पोहोचविण्यात येणार आहे.शेतकऱ्यांना शेतीमालाला योग्य भाव, उत्पादन खर्चात कपात, सिंचन, कृषी वीज, कर्ज, पीकविमा तसेच शासनाच्या विविध शेतकरी योजनांबाबत जनजागृती करण्यावर संघटनेचा भर राहणार आहे. शेतकऱ्यांच्या हक्कांसाठी संघटितपणे संघर्ष उभारून मोर्शी-वरूड विधानसभा मतदारसंघात संघटनेची ताकद वाढविण्याचा निर्धार यावेळी व्यक्त करण्यात आला.“शेतकऱ्यांचा हक्क – आमचा संघर्ष” या भूमिकेतून श्री. किरण अकर्ते यांना महाराष्ट्र शेतकरी संघटनेच्या वतीने पुढील संघटनात्मक वाटचालीसाठी संघटनेच्या सर्व पदाधिकारी यांच्या माध्यमातून मनःपूर्वक शुभेच्छा देण्यात आल्या.

- Advertisement -