’लोकसंवाद’ कार्यक्रमातून आयुष्मान भारत योजनेविषयी जनजागृती ‘आरोग्याचा श्रीगणेशा’तून नागरिकांची आरोग्य तपासणी
यवतमाळ, दि. २१: राज्य शासनाच्या सेवा संकल्प अभियान आणि लोकसंवाद अभियानांतर्गत हिराचंद मुणोत क्रिटीकेअर हॉस्पीटल, जिल्हा माहिती कार्यालय आणि मॉ शाकंभरी माता बाल गणेश मंडळ यवतमाळ यांच्या संयुक्त विद्यमाने आज पृथ्वीराज नगर यवतमाळ येथे ‘लोकसंवाद’ कार्यक्रमातून योजनांची जनजागृती तसेच आरोग्याचा श्रीगणेशा उपक्रमांतर्गत सामुदायिक आरोग्य तपासणी शिबिर संपन्न झाले.
हा कार्यक्रम आयुष्मान भारतचे जिल्हा समन्वयक विशाल टावरी आणि जिल्हा माहिती अधिकारी पवन राठोड यांच्या मार्गदर्शनाखाली आयोजित करण्यात आला.
कार्यक्रमाला नगरसेविका सोनाली मडावी, गणेश मंडळचे अध्यक्ष सिधंराज पुरी, जिल्हा माहिती कार्यालयाचे विजय राठोड, डॉ.अरविंद लाल, डॉ.संदेश राठोड, डॉ.विधी जाधवानी यांच्यासह नागरिकांची उपस्थिती होती. तसेच या कार्यक्रमात आयोजित आरोग्य तपासणी शिबिरात नागरिकांची आरोग्य तपासणीसह आजारांबाबत तज्ज्ञ डॉक्टरांनी मार्गदर्शन केले. यावेळी जिल्हा समन्वयक विशाल टावरी यांनी आयुष्मान भारत योजना व लाभाविषयी माहिती दिली.
००००
