जिद्द, अचूकता अन् आत्मविश्वास!लक्षसिद्धीच्या मुलींची जिल्हास्तरीय रायफल शूटिंगमध्ये दमदार एन्ट्री

पारोळा : जिद्दीला सरावाची जोड, आत्मविश्वासाला अचूक निशाण्याची साथ आणि ध्येय गाठण्याची प्रबळ इच्छाशक्ती घेऊन पारोळा येथील लक्षसिद्धी रायफल शूटिंग अकॅडमीच्या मुलींनी जळगाव येथे होणाऱ्या जिल्हास्तरीय शालेय रायफल शूटिंग स्पर्धेत उत्स्फूर्त सहभाग नोंदवनार आहेत.जिल्हा क्रीडा अधिकारी कार्यालयाच्या (डि एस ओ) अंतर्गत आयोजित ही स्पर्धा जळगाव जिल्हा रायफल असोसिएशनच्या पायोनियर शूटिंग रेंजवर नुकतीच पार पडतील. या स्पर्धेत पारोळा तालुक्याचे प्रतिनिधित्व करणाऱ्या अकॅडमीच्या मुलीं-खेळाडूंनी अत्यंत आत्मविश्वासाने सहभाग घेत आपल्या नेमबाजीतील कौशल्य, एकाग्रता आणि संयमाचे दर्शन घडविले.रायफल शूटिंगसारख्या शिस्त, एकाग्रता आणि मानसिक स्थैर्याची कसोटी पाहणाऱ्या खेळात मुलींनी दाखविलेला उत्साह विशेष कौतुकास्पद आहे. संधी मिळाल्यास मुली कोणतेही ध्येय गाठू शकतात, याचा प्रेरणादायी संदेश त्यांच्या सहभागातून मिळाला.विशेष उपस्थिती आदरणीय दिलीप गवळी सर, वनविभाग राष्ट्रीय खेळाडू गणेश गवळी सर , राष्ट्रीय खेळाडू किरण पाटील सर, प्रशिक्षक रोहित विसपुते , एन.सी.सी खेळाडू योगेश चौधरी तसेच मार्गदर्शक संदीप पाटील ,हर्ष सरदार , तालुका क्रीडा समन्वयक संदीप पवार सर यांचे मार्गदर्शन लाभले. लक्ष्यावर नजर, मनात जिद्द आणि यशाचे स्वप्न!लक्षसिद्धीच्या मुलींची ही झेप निश्चितच नव्या यशाची नांदी ठरो!