डॉ. ए. पी. जे. अब्दुल कलाम यांच्या जयंतीनिमित्त मंत्री मंगलप्रभात लोढा यांच्याकडून मंत्रालयात अभिवादन

मुंबई, दि. १५ : भारताचे माजी राष्ट्रपती तथा ज्येष्ठ शास्त्रज्ञ डॉ. ए. पी. जे. अब्दुल कलाम यांच्या जयंतीनिमित्त कौशल्य विकास, रोजगार उद्योजकता आणि नाविन्यता मंत्री मंगलप्रभात लोढा यांनी मंत्रालयात डॉ. कलाम यांच्या प्रतिमेस पुष्पहार अर्पण करून अभिवादन केले.

यावेळी मुख्यमंत्री यांचे प्रधान सचिव डॉ. श्रीकर परदेशी, सामान्य प्रशासन विभागाचे अवर सचिव घनश्याम जाधव, कक्ष अधिकारी दत्तात्रय शिंदे, सुनील जाधव यांनीही डॉ. कलाम यांच्या प्रतिमेस पुष्प अर्पण करून अभिवादन केले. यावेळी मंत्रालयातील अधिकारी-कर्मचारी उपस्थित होते.

डॉ. कलाम यांनी विज्ञान, तंत्रज्ञान आणि संरक्षण क्षेत्रात मोलाचे योगदान दिले. तसेच युवकांना मोठी स्वप्ने पाहण्याची आणि ती साकार करण्यासाठी कठोर परिश्रम करण्याची प्रेरणा दिली. त्यांच्या कार्याचे आणि विचारांचे स्मरण यावेळी करण्यात आले.

००००

प्रवीण भुरके/विसंअ