मुंबई, दि. ७: ज्येष्ठ साहित्यिक आणि कथाकार शं. ना. नवरे यांच्या जन्मशताब्दी वर्षाचे औचित्य साधून ‘शन्ना… कथानुभूती’ या विशेष कार्यक्रमाचे आयोजन पु. ल. देशपांडे महाराष्ट्र कला अकादमी आयोजित ‘पु. ल. कट्टा’ या कलाकारांच्या हक्काच्या व्यासपीठावर करण्यात आले आहे.
हा अभिवाचनाचा कार्यक्रम शुक्रवार, ९ ऑक्टोबर २०२६ रोजी संध्याकाळी ६:३० वाजता अकादमीच्या कलांगणात रंगणार असून हा कार्यक्रम सर्वांसाठी विनामूल्य खुला आहे.
शं. ना. नवरे यांच्या अविस्मरणीय कथांना अभिवाचनातून उजाळा देणारा हा कार्यक्रम साहित्य आणि कलाप्रेमींसाठी एक विशेष मेजवानी ठरणार आहे. या कार्यक्रमात प्रसिद्ध कलाकार प्रसाद फणसे, उदय सबनीस, अनुपमा ताकमोगे, हेमा निकम आणि विवेक जोशी हे कथांचे अभिवाचन करणार आहेत.
साहित्य, कला आणि संस्कृतीचा वारसा जपणाऱ्या ‘पु. ल. कट्टा’ या हक्काच्या व्यासपीठावर होणाऱ्या या सुंदर साहित्यिक अनुभवाचा आस्वाद घेण्यासाठी सर्व रसिक प्रेक्षकांनी मोठ्या संख्येने उपस्थित राहावे, असे आवाहन करण्यात येत आहे.
0000
संजय ओरके/विसंअ
