श्रीक्षेत्र बालाजी संस्थानात स्तंभपूजनाने ब्रह्मोत्सवाचा शुभारंभ

पारोळा – प्रतिनिधी, ( प्रतिक मराठे ) पारोळा, जि. जळगाव : पारोळा शहराचे आराध्य दैवत व जागृत देवस्थान असलेल्या श्रीक्षेत्र बालाजी महाराज संस्थान येथे भारतीय नवरात्र ब्रह्मोत्सवाची सुरुवात आज विधिवत स्तंभपूजनाने करण्यात आली.
धार्मिक मंत्रोच्चार व भक्तिमय वातावरणात स्तंभपूजनाचा विधी पार पडला. यावेळी संस्थानचे पदाधिकारी, विश्वस्त, भाविक व नागरिक मोठ्या संख्येने उपस्थित होते. स्तंभपूजनानंतर ब्रह्मोत्सवातील विविध धार्मिक कार्यक्रमांना प्रारंभ झाला.
ब्रह्मोत्सवानिमित्त मंदिर परिसरात भक्तिमय वातावरण निर्माण झाले असून, विविध धार्मिक कार्यक्रम व श्री बालाजी महाराजांच्या दर्शनासाठी भाविकांची गर्दी होत आहे. पारोळा शहराचे आराध्य दैवत असलेल्या श्री बालाजी महाराजांचा ब्रह्मोत्सव हा शहराच्या धार्मिक व सांस्कृतिक परंपरेचा महत्त्वाचा भाग मानला जातो.