अनुसूचित जाती-जमाती अधिकारी व कर्मचारी संघटनेतर्फे मंत्रालय येथे डॉ.बाबासाहेब आंबेडकर यांना अभिवादन

मुंबई, दि.१३ : अनुसूचित जाती जमाती वि. जा/ भज/ई.मा.व/वि.मा.प्र/ शासकीय- निमशासकीय/ अधिकारी कर्मचारी संघटना मंत्रालय, मुंबई यांच्या विद्यमाने महामानव, भारतरत्न डॉ. बाबासाहेब आंबेडकर यांच्या १३५ व्या जयंतीनिमित्त अभिवादन कार्यक्रमाचे आयोजन करण्यात आले. कार्यक्रमास मुख्य सचिव राजेश अग्रवाल यांची प्रमुख उपस्थिती होती. मुख्य सचिव अग्रवाल तसेच सामाजिक न्याय विभागाचे प्रधान सचिव डॉ. हर्षदीप कांबळे, आदिवासी विकास विभागाचे सचिव विजय वाघमारे यांनी महामानव डॉ. बाबासाहेब आंबेडकर यांच्या प्रतिमेस पुष्पहार अर्पण केला. शासनाच्या योजना वंचित घटकापर्यंत पोहोचवण्यासाठी संघटनेने सतत प्रयत्नशील रहावे, असे आवाहन मान्यवरांनी केले.

यावेळी संघटनेचे अध्यक्ष भारत वानखेडे यांनी प्रधान सचिव डॉ.हर्षदीप कांबळे आणि सचिव विजय वाघमारे यांचे संघटनेच्या वतीने स्वागत केले. संघटनेमार्फत 135 व्या जयंतीनिमित्त 1,35,000 संविधानाच्या प्रतींचे वाटप करण्यात येणार असल्याची माहिती यावेळी देण्यात आली. या उपक्रमास प्रतिकात्मक स्वरूपात १६ एप्रिल, २०२६ रोजी आयोजित सुरुवात होणार आहे.

यावेळी संघटनेचे अध्यक्ष भारत वानखेडे, कार्याध्यक्ष सुभाष गवई, मुंबई प्रदेशाध्यक्ष सुबोध भारत, महिला अध्यक्ष मुंबई प्रदेश सविता शिंदे, दिपाली शहारे, राज श्रॉफ, मंत्रालय संघटक, शुद्धोधन वाकोडे, संघटक सचिव, सी. आर. निखारे, कोषाध्यक्ष, पंकज सावदेकर, संघटक सचिव, बाबू सिंग राठोड, मुंबई प्रदेश सरचिटणीस, मुख्य सचिव यांचे  वरिष्ठ स्वीय सहाय्यक, अशोक जाधव तसेच इतर पदाधिकारी व कर्मचारी उपस्थित होते.

0000