हिंगोली, दि. २८ : दुष्काळसदृश्य परिस्थितीची पाहणी करण्यासाठी हिंगोली जिल्हा दौऱ्यावर आलेले राज्याचे महसूल मंत्री चंद्रशेखर बावनकुळे यांनी शासकीय विश्रामगृह येथे पत्रकार, शेतकरी तसेच नागरिकांच्या विविध मागण्यांशी संबंधित निवेदने स्वीकारली.
- Advertisement -
सार्वजनिक आरोग्य व कुटुंब कल्याण राज्यमंत्री मेघना साकोरे-बोर्डीकर, खासदार रामराव वडकुते, आमदार डॉ. प्रज्ञा सातव व पदाधिकारी आदीची उपस्थिती होती.
यावेळी विविध प्रश्न व मागण्यांबाबत नागरिकांनी महसूलमंत्री श्री. बावनकुळे यांच्याकडे निवेदने सादर केली. शेतकऱ्यांच्या अडचणी, दुष्काळी परिस्थितीतील उपाययोजना तसेच स्थानिक पातळीवरील विविध विकासकामांबाबत नागरिकांनी आपल्या मागण्या मांडल्या.
महसूलमंत्री चंद्रशेखर बावनकुळे यांनी संबंधित निवेदनाची दखल घेत, नागरिकांनी मांडलेल्या प्रश्नांबाबत आवश्यक ती कार्यवाही करण्यात येईल असे सांगितले.
00000